Matang Apoy

Sabado, Hunyo 15 2013

Ang mga "Men of Steal"

ANG MGA "MEN OF STEAL"
ni Gregorio V. Bituin Jr.
15 pantig bawat taludtod

palabas sa puting tabing ngayon ang "Man of Steel"
na istorya ni Superman laban sa mapaniil
di na si Christopher Reeve ang di tamaan ng baril
pagkat Superman na ngayon ay isang Henry Cavill

ngunit sa labas ng puting tabing, pulos hilahil
sa bayan ko'y kayraming naglipanang "Men of Steal"
nasa matataas na posisyon, kunwari'y anghel
ngunit kaban ng bayan pala ang dinudukilkil

sila ang mga trapong banal ngunit mapaniil
karapatan nga ng maliliit ay sinusupil
para sa sariling interes, mahilig mangikil
asungot na kayraming tauhang pulos de-baril

pawang tiwali, buong bayan na ang sinisikil
nilang nasa pwestong sa pagseserbisyo'y inutil
dapat lang ibagsak na silang mga "Men of Steal"
silang ang puri't pagkatao'y santambak ng banil

Martes, Hunyo 11 2013

Atat na kami, manggagawa

ATAT NA KAMI, MANGGAGAWA
ni Gregorio V. Bituin Jr.
11 pantig bawat taludtod

tayo ba'y kaya naging manggagawa
ay para busugin lang ang iilan?
hindi ba't ang ating lakas-paggawa
ang ugat ng pag-unlad ng lipunan?
bakit tayong gumagawa ang dukha?
bakit iilan ang nakikinabang?

bakit tayong mayoryang nagpapawis
na siyang bumubuhay sa daigdig
yaong binubusabos, nagtitiis
tayong gumamit ng utak at bisig
nang umunlad ang lipunan ay tikis
manggagawa'y saan dapat sumandig?

ang mga minorya'y tatawa-tawa
tayo raw, walang karapatan dito
sila raw ang may-ari ng pabrika
may kontrol ng kalakal at gobyerno
tayo ba'y wala nang magagawa pa
upang baguhin ang sistemang ito?

tunggalian ng uri'y tumitindi
nakadudurog ng puso't isipan
at ngayon, atat na atat na kami
upang gapiin ang ating kalaban
ngayon pa lang ay atin nang iwaksi
itong kapitalismo ng iilan

Lunes, Hunyo 10 2013

Sa paglayas ni Misis

SA PAGLAYAS NI MISIS

ni Gregorio V. Bituin Jr.

11 pantig bawat taludtod

pag nilayasan ni Misis, kayhirap

puso't diwa'y tunay na naghihirap

dapat bang hanapin ko siyang muli

upang suyuin ng puso kong sawi

pagsinta'y nais ko muling malasap

hangad kong kami'y muling magkausap

kasama ng pagkatao ko't puri

ang babaeng iniibig kong sidhi

pagbabalik niya'y hihintayin ko

at muli sa kanya'y magsusumamo

alang-alang sa anak naming ito

Linggo, Hunyo 09 2013

Sa problema'y asal-bumbero

SA PROBLEMA'Y ASAL-BUMBERO

ni Gregorio V. Bituin Jr.

11 pantig bawat taludtod

pag may sunog, darating ang bumbero

apoy ay papatayin niyang todo

munti mang apoy, di pababayaan

pagkat panganib pa rin sa tahanan

tulad ng problema ng ilang tao

kumikilos lang tulad ng bumbero

kikilos lang pag problema'y nariyan

walang plano, problema'y dumating man

alam na ngang sila'y idedemolis

di naghanda't nag-ayos ng papeles

huli na, sila na'y pinapaalis

Kanlungan ang tahanan

KANLUNGAN ANG TAHANAN

ni Gregorio V. Bituin Jr.

11 pantig bawat taludtod

"itaboy natin ang nagdedemolis

magkaisa tayo bago matiris!"

dukha'y marubdob sa usaping bahay

ipaglalaban nila itong tunay

"sa tahanang ito tubo't nagtiis

di tayo dito dapat mapaalis!"

sa dukha, usaping bahay ay buhay

naukit dito'y saya nila't lumbay

bawat bahay ay ating pananggalang

laban sa bagyo, init, sakim, halang

sa demolisyon, di dapat pasagpang

Sabado, Hunyo 08 2013

Yosi o tibi?

YOSI O TIBI?

ni Gregorio V. Bituin Jr.

11 pantig bawat taludtod

"kaibigan ko, kaysarap magyosi"

habang tangan ang isang basong basi

ang tinuran niya'y nakalulungkot

at ginantihan ko siya ng sagot:

"iyan din ang lagi kong sinasabi

bago ako magkasakit ng tibi"

natameme siya't tila nayamot

tunganga lang, musika ma'y maharot

sa pagbuga'y binibilog ang usok

kaysaya pa sa nakasusulasok

ngunit di maitaboy yaong lamok

Maghinaw bago kumain

MAGHINAW BAGO KUMAIN

ni Gregorio V. Bituin Jr.

11 pantig bawat taludtod

kung nais mong magsakol sa pagkain

maghinaw muna't sasarap ang kain

kayhirap yaong kayrumi ng kamay

sakol ang kaning isusubong tunay

may isang basong tubig kung mahirin

sa ulam na kamatis, tuyo't asin

pag nabusog, ikaw'y mapapadighay

tumayo, maglakad, huwag hihimlay

maiging maghinaw bago magsakol

upang sa mikrobyo'y di maulaol

hirap magkasakit, kahol ng kahol

Biyernes, Hunyo 07 2013

Masama ang labis

MASAMA ANG LABIS

ni Gregorio V. Bituin Jr.

11 pantig bawat taludtod

may kasabihang "labis ay masama"

kunin lang kung anong sapat at tama

huwag tularan ang trapong gahaman

na ninong ng mga katiwalian

sa gobyerno'y kayraming kuhila

sa dugo ng madla'y nagpapasasa

mga trapo'y di man lang mahirinan

sagpang ng sagpang, walang kabusugan

ang lalamunang puno'y nakapinid

masibang halos maputol ang litid

nakahihinga pa ba silang manhid

Sa pabrika'y sakal

SA PABRIKA'Y SAKAL

ni Gregorio V. Bituin Jr.

11 pantig bawat taludtod

"magtrabaho kayo ng magtrabaho

at tataasan ko ang inyong sweldo

pabrikang ito'y paunlarin natin

hahatian kayo sa tutubuin"

maganda ang panukala ng amo

dahil doon, nagpakasipag ako

ngunit may kasunod ang kanyang bilin

pagsapi sa unyon ay huwag gawin

patuloy ang obrerong nagpapagal

pag nasa loob ng pabrika'y sakal

kalabaw kang di dapat umatungal

Huwebes, Hunyo 06 2013

Himagsik ng hukluban

HIMAGSIK NG HUKLUBAN

ni Gregorio V. Bituin Jr.

11 pantig bawat taludtod

nais ng matatandang maghimagsik

sa panghihina ng katawang siksik

"Puntanyo ng Kabataan" ang hanap

baka sa pagkabata'y makasagap

nais nilang sariwa'y makatalik

sa pagkabasal ay namumutiktik

ngunit sagi lang iyan sa hinagap

gayong sa tunay, puso'y nasa hirap

di na magbabalik ang kabataan

ito'y diyalektika ng katawan

na dapat tanggapin ng kalooban

Poetry is frosted fire. ~J. Patrick Lewis Like a piece of ice on a hot stove the poem must ride on its own melting. ~Robert Frost The writer of prose can only step aside when the poet passes. ~W. Somerset Maugham Poetry is boned with ideas, nerved and blooded with emotions, all held together by the delicate, tough skin of words. ~Paul Engle Poets are the unacknowledged legislators of the world. ~Percy Byshe Shelley To be a poet is a condition, not a profession. ~Robert Frost A poet must leave traces of his passage, not proof. ~Rene Char A true poet does not bother to be poetical. Nor does a nursery gardener scent his roses. ~Jean Cocteau "Therefore" is a word the poet must not know. ~André Gide Poetry is an echo, asking a shadow to dance. ~Carl Sandburg The worst fate of a poet is to be admired without being understood. ~Jean Cocteau Poetry is not always words. ~Terri Guillemets Perhaps no person can be a poet, or can even enjoy poetry, without a certain unsoundness of mind. ~Thomas Babington Macaulay Poetry is a mirror which makes beautiful that which is distorted. ~Percy Shelley A poet's autobiography is his poetry. Anything else is just a footnote. ~Yevgeny Yentushenko Always be a poet, even in prose. ~Charles Baudelaire If I read a book and it makes my whole body so cold no fire can warm me, I know that is poetry. If I feel physically as if the top of my head were taken off, I know that is poetry. ~Emily Dickinson A good poem is a contribution to reality. The world is never the same once a good poem has been added to it. ~Dylan Thomas A poet's work is to name the unnameable, to point at frauds, to take sides, start arguments, shape the world, and stop it going to sleep. ~Salman Rushdie Poetry is as precise as geometry. ~Gustave Flaubert It is impossible to be a mathematician without being a poet in soul. ~Sophia Kovalevskaya If Galileo had said in verse that the world moved, the inquisition might have let him alone. ~Thomas Hardy Mathematics and Poetry are... the utterance of the same power of imagination, only that in the one case it is addressed to the head, in the other, to the heart. ~Thomas Hill A grain of poetry suffices to season a century. ~José Martí Poetry should also contain steel and poets should know how to attack. ~Ho Chi Minh Poetry is the language of intensity. Because we are going to die, an expression of intensity is justified. ~C.D. Wright

‎"We don't read and write poetry because it's cute. We read and write poetry because we are members of the human race. And the human race is filled with passion. And medicine, law, business, engineering, these are noble pursuits and necessary to sustain life. But poetry, beauty, romance, love, these are what we stay alive for." - John Keating, from the 1989 movie Dead Poets Society, starring Robin Williams

"To be a poet is more than a hobby, more than a profession -- it's a divine calling." - Maria Criselda Santos

Halina't tayo'y MAGSIYAMPITUHAN

SIYAMPITUHAN: Isa ito sa mga inobasyon ko sa pagtula, mahaba sa tanaga at haiku at kalahati ng soneto. Ito'y may siyam na pantig bawat taludtod sa buong tulang pito ang taludtod (siyam-pito) na hinati sa dalawang bahagi. Ang unang apat na taludtod ang problema o tesis at ang huling tatlong taludtod ang solusyon o kongklusyon. May pag-uulit ng salita, bagamat nag-iiba ng gamit, sa una't huling taludtod. Ang may-akda'y nakapaglathala na ng librong pinamagatang "Mga Sugat sa Kalamnan: Katipunan ng 150 Tulang Siyampituhan." Ito po'y mabibili sa halagang P50 lamang.

"You are for me the Queen on d8. And I am the pawn on d7!!" - GM Eduard Gufeld in 'Chess Player In Love' "...for chess, that superb, cold, infinitely satisfying anodyne to life, I feel the ardour of a lover, the humility of a disciple." - Herbert Russel Wakefield Love is like a game of chess: One false move and you're mated. – Anonymous "Chess teaches you to control the initial excitement you feel when you see something that looks good and it trains you to think objectively when you're in trouble." - Stanley Kubrick "Chess holds its master in its own bonds, shaking the mind and brain so that the inner freedom of the very strongest must suffer." - Albert Einstein "Good positions don't win games, good moves do." - Gerald Abrahams When you see a good move wait - look for a better one. - Emanuel Lasker The tactician knows what to do when there is something to do; whereas the strategian knows what to do when there is nothing to do." - Gerald Abrahams "Chess is a test of wills." - Paul Keres "Chess is the art of analysis." - Mikhail Botvinnik "Chess is not for timid souls." -Willheim Steinitz "Weakness of character are normally shown in a game of chess." - Garry Kasparov When you are lonely, when you feel yourself an alien in the world, play chess. This will raise your spirits and be your counselor in war." – Aristotle